“ჩავატარე უმაღლესი მთავარსარდლის შტაბის სხდომა. მთავარი საკითხი რეაქტიული შაჰიდების წინააღმდეგ სწრაფი გზაგადამჭრელების წარმოებისთვის ყველა პროცესის დაჩქარებაა. უკრაინაში არიან მწარმოებლები, რომლებსაც ამ ამოცანის შესრულების შესაძლებლობა აქვთ. პროტოტიპები შემუშავებულია, მიმდინარეობს მუშაობა ამ ახალი იარაღის ეფექტურობის საჭირო დონემდე მისაყვანად. მადლობელი ვარ ყველა შემქმნელის და მწარმოებლის – თითოეული კომპანიის – ჩვენი სახელმწიფოსა და ხალხის გულისთვის გაწეული შრომისთვის. მნიშვნელოვანია ამ ამოცანის შესრულება ზუსტად დადგენილ ვადებში.
ასევე დეტალურად განვიხილეთ ბიზნესის ჩართვის პოტენციალი საჰაერო თავდაცვის ცალკეული ტიპის სისტემების წარმოებაში, მიწოდებასა და გამართვაში. ამასთან დაკავშირებითაც განისაზღვრა კონკრეტული ვადები და ამოცანები. კომპლექსური მიზანია ჩვენი თავდაცვითი მრეწველობისა და პარტნიორებთან მუშაობის იმ დონეზე მიყვანა, რომელიც უკრაინას უზრუნველყოფს სწორედ სწრაფი დრონ-გზაგადამჭრელებისა და იაფი რაკეტების საკმარისი ხარისხითა და რაოდენობით, რათა გარანტირებული იყოს დაცვა იმ პირობებში, როდესაც რუსები ზრდიან შესაბამისი სწრაფი თავდასხმის საშუალებების წარმოებას. ჩვენს დაზვერვას აქვს მკაფიო ინფორმაცია მტრის გეგმების შესახებ და ჩვენი რესურსები მიმართულია, რომ მკაფიო პასუხი გავცეთ საფრთხეს. შესაბამისი ოპერაციები დამტკიცებულია. დიდება უკრაინას!” – წერს უკრაინის პრეზიდენტი, ვოლოდიმირ ზელენსკი სოციალურ ქსელში