“არასდროს დავუშვებთ, რომ ირანს ბირთვული იარაღი ჰქონდეს – ჩარლზი მეთანხმება” – დონალდ ტრამპი

აშშ-ის პრეზიდენტის დონალდ ტრამპის განცხადებით, აშშ ირანთან ომში წარმატებას აღწევს.

„სამხედრო თვალსაზრისით ეს კონკრეტული მოწინააღმდეგე დავამარცხეთ “, – განაცხადა ტრამპმა თეთრ სახლში გამართული სახელმწიფო ვახშამზე, რომელიც მეფე ჩარლზისა და დედოფალ კამილას სახელმწიფო ვიზიტის პატივსაცემად წარმოთქმული სიტყვით დაიწყო.

მისი თქმით, აშშ არასდროს დაუშვებს, რომ ირანს ბირთვული იარაღი ჰქონდეს და რომ ამ საკითხთან დაკავშირებით გაერთიანებული სამეფოს მეფე ჩარლზიც ეთანხმება მას.

„არასდროს დავუშვებთ, რომ ამ მოწინააღმდეგეს ბირთვული იარაღი ჰქონდეს – ჩარლზი მეთანხმება, უფრო მეტადაც კი, ვიდრე მე – არასდროს დავუშვებთ, რომ ამ მოწინააღმდეგეს ბირთვული იარაღი ჰქონდეს “, – აღნიშნა ტრამპმა.

მისი თქმით, აშშ და გაერთიანებული საეფო ერთად იდგნენ კომუნიზმის, ფაშიზმისა და ტირანიის ძალების წინააღმდეგ და გამარჯვებული გამოვიდნენ.