“პუტინი უკრაინისგან დონბასის მთლიან რეგიონს, NATO-ში გაწევრიანებაზე უარის თქმასა და ქვეყნის ტერიტორიაზე დასავლელი ჯარისკაცების არ დაშვებას ითხოვს” – REUTERS

გამოცემის ცნობით, ტრამპთან შეხვედრაზე პუტინმა თქვა, რომ თუ უკრაინელები დონბასიდან ჯარისკაცებს გაიყვანენ, სანაცვლოდ რუსეთი ზაპოროჟიესა და ხერსონის ოლქებში ფრონტის ამჟამინდელ ხაზებს შეაჩერებს. მოსკოვი ასევე დათმობს ხარკოვის, სუმისა და დნიპროპეტროვსკის რეგიონების მცირე ნაწილებს, რომლებსაც ის აკონტროლებს.

როგორც REUTERS წერს, ღია წყაროებიდან მიღებული მონაცემებით, რუსეთი აკონტროლებს დონბასის დაახლოებით 88%-ს და ზაპოროჟიესა და ხერსონის 73%-ს.