“თუ საქართველო ავტორიტარულ კურსს არ შეიცვლის, მოვუწოდებთ ასამბლეასა და მინისტრთა კომიტეტს, დაიწყონ საქართველოს გაძევების პროცესი” – PACE-ს დეპუტატები

„ოპოზიციის ლიდერები დააპატიმრეს. სამოქალაქო საზოგადოების აქტივისტები და ჟურნალისტები პოლიტიკურად მოტივირებულ სისხლისსამართლებრივ დევნას განიცდიან.

ეს აღარ არის იზოლირებული ინციდენტები, ეს არის დემოკრატიული ოპოზიციის აღმოფხვრის, გამოხატვის თავისუფლების შეზღუდვისა და სამოქალაქო საზოგადოების გაჩუმებისკენ მიმართული უწყვეტი კამპანია.

ამასთან, საქართველოს დელეგაციამ ცალმხრივად დატოვა ასამბლეა.

რეპრესიებისა და ჩაურევლობის ეს გზა არღვევს საქართველოს, როგორც ევროპის საბჭოს წევრის ვალდებულებებს და ეწინააღმდეგება ასამბლეის უფლებამოსილებას.

ასამბლეამ უნდა დაიცვას თავისი წესები და რეზოლუციები. წევრი სახელმწიფოს შიგნით ავტორიტარული უკუსვლის იგნორირება ძირს უთხრის ამ ინსტიტუტის ფუნდამენტს.

თუ საქართველო არ მიაღწევს პროგრესს თავისი ავტორიტარული კურსის შეცვლის საკითხში, ჩვენ გავასაჩივრებთ საქართველოს დელეგაციის რწმუნებათა სიგელებს და მოვიწოდებთ საპარლამენტო ასამბლეას და მინისტრთა კომიტეტს, დაიწყონ საქართველოს გაძევების პროცესი ევროსაბჭოს წესდების მე-3 მუხლში მითითებული ძირითადი პრინციპების სერიოზული დარღვევების გამო” – ნათქვამია განცხადებაში.