“საერთაშორისო გამჭვირვალობა საქართველო” განცხადებას ავრცელებს. მათივე თქმით, 2025 წლის 11 აგვისტოს ექვსმა არასამთავრობო ორგანიზაციამ ანტიკორუფციული ბიუროს წერილი მიიღეს, რომელშიც ეგრეთ წოდებული, „უცხოური აგენტების რეგისტრაციის შესახებ“ კანონის დარღვევას ედავებიან. ორგანიზაციას სისხლისსამართლებრივი პასუხისმგებლობით ემუქრებიან და ითხოვენ განმარტებას, თუ რატომ არ დარეგისტრირდნენ აგენტებად.
განცხადებაში ნათქვამია, რომ მრავალგზის გამოხატული პოზიციის შესაბამისად, არ დარეგისტრირდებიან უცხო ქვეყნის ინტერესების გამტარებლად და აღნიშნავენ, რომ მათი მისიაა ქალების, ბავშვების, მშრომელების, შშმ პირების, დევნილების და ყველა ჩაგრული ადამიანის უფლებების დაცვა. ამავდროულად, არჩევნების დაკვირვება, კორუფციისა და დეზინფორმაციის მხილება, დემოკრატიის დაცვა და ქართველი ხალხის დახმარება.
“2025 წლის 11 აგვისტოს ექვსმა ორგანიზაციამ მივიღეთ ანტიკორუფციული ბიუროს მორიგი წერილი, რომლითაც ე.წ. „უცხოური აგენტების რეგისტრაციის შესახებ“ კანონის დარღვევას გვედავებიან, ასევე, გვემუქრებიან სისხლისსამართლებრივი პასუხისმგებლობით და გვთხოვენ განმარტებებს, თუ რატომ არ დავრეგისტრირდით აგენტებად.