27 ივნისს, აშშ-ს შუამავლობით, რუანდამ და კონგოს დემოკრატიულმა რესპუბლიკამ სამშვიდობო ხელშეკრულებას ხელი მოაწერეს.
შეთანხმების თანახმად, რუანდის ჯარებმა აღმოსავლეთ კონგო 90 დღის ვადაში უნდა დატოვონ.
„მათ ეს კონფლიქტი წლებია აქვთ. ეს ერთ-ერთი ყველაზე მძიმე ომია, რაც კი ოდესმე ვინმეს უნახავს და უბრალოდ გამიმართლა, რომ მყავდა ადამიანი, რომელმაც მისი დარეგულირება შეძლო“, – განაცხადა შტატების პრეზიდენტმა, დონალდ ტრამპმა.
რუანდის საგარეო საქმეთა მინისტრმა, ოლივიე ნდუჰუნგირეჰემ შეთანხმებას გადამწყვეტი მომენტი უწოდა.
კონგოს საგარეო საქმეთა მინისტრმა ტერეზ კაიიკვამბა ვაგნერმა კი აღნიშნა, რომ შეთანხმებას ძალების დაშორიშორება უნდა მოჰყვეს.