“მარგო ლუჩკო უნდა გამოწყობილიყო ჯართის ჩამბარებლად, კამერების თანხლებით ეარა ეზო-ეზო და ჩაებარებინა ჯართი” – შალვა რამიშვილი მარგო ლუჩკოსა და მისი თანაშემწის, თიკო სიფრაშვილის მიმოწერას აქვეყნებს. მისი განმარტებით სექსუალური სახის ზეწოლას მარგო ლუჩკოს შემთხევაში ადგილი არასდროს ჰქონია. სამსახურიდან მისი გათავისუფლების მიზეზი კი დავალების შესრულებაზე უარის თქმა გახდა.
“მეგობრებო! როგორც ჩანს რაღაც გაუგებრობაა მარგო ლუჩკოსთან დაკავშირებით. ალბათ, ეს მისმა ორაზროვანმა კომენტარმა გამოიწვია.
მაშ ასე: მარგო ლუჩკო იმიტომ წავიდა სამსახურიდან, რომ არ შეასრულა ჩემი როგორც შოუს სამხატვრო ხელმძღვანელის დავალება.
იგი უნდა გამოწყობილიყო ჯართის ჩამბარებლად, კამერების თნხლებით ეარა ეზო-ეზო და ჩაებარებინა ჯართი. მან თქვა რომ ამას არ გააკეთბდა. ამიტომ მე მივეცი რეკომენდაცია სტუდიის დირექტორს და მარგო წავიდა შოუდან. ამის შემდეგ მას ჰქონდა მიმოწერა ჩემს თანაშემწესთან თიკო სიფრაშვილთან. ამ მიმოწერის ფოტოებს ახლა გთვაზობთ. როგორც ხედავთ მარგო ლუჩკოს არავინ არ ავიწროვებდა არც სექსუალურად და არც ისე “- წერს რამიშვილი.
