შვეიცარიამ რვა რუსული მედიასაშუალების მიმართ სანქციები დააწესა, — ინფორმაცია ქვეყნის ეკონომიკის ფედერალური სამდივნოს მიერ გავრცელებულ განცხადებაშია ნათქვამი.
სანქციები შეეხო ისეთ მედიასაშუალებებს, როგორიცაა: „ლენტა.რუს“, „ზვეზდა“, „კრასნაია ზვეზდა“, „ევრაზია დეილი“, „ნიუს ფრონტი“, „საუზ ფრონტი“, „რუბალტიკ.რუს“ და სტრატეგიული კულტურის ფონდი.
შვეიცარიის გადაწყვეტილება ევროკავშირის სანქციების მეთექვსმეტე პაკეტს მიჰყვება, რომელიც 24 თებერვალს დამტკიცდა და მოიცავდა აღნიშნული რუსული მედიასაშუალებების მაუწყებლობის აკრძალვას ევროპის ტერიტორიაზეც.
მედიასაშუალებების მიმართ დაწესებული სანქციები 23 აპრილიდან ამოქმედდება.