“თქვენთან შემოვედი და გითხარით: „გააჩერე რეზინის ტყვიების სროლა“, რაზეც თქვენი პასუხი იყო ცინიკური: „ძველი დროის კადრებს ატრიალებენო“ – სოზარ სუბარი გახარიას

საგამოძიებო კომისიის სხდომაზე, სადაც გიორგი გახარია 20 ივნისის საქმეზე კითხვებს პასუხობს,  კომისიის თავმჯდომარის მოადგილემ, სოზარ სუბარმა შს ყოფილ მინისტრს, გიორგი გახარიას განუცხადა:

“ძალიან სერიოზული ამნეზია დაგმართნიათ – მეორე ოთახში რომ გავედი და დავინახე ტელევიზორში, რა უბედურება ტრიალებდა, თქვენთან შემოვედი და გითხარით: „გააჩერე რეზინის ტყვიების სროლა იმიტომ, რომ უბედურება ტრიალებს“. თქვენი პასუხი იყო სრულიად ცინიკური, რომ „რაღაც ძველი დროის კადრებს ატრიალებენო“. იქნებ, ესეც გაიხსენოთ, თუ არ გახსოვთ?” – თქვა სუბარმა.

პასუხად გახარიამ თქვა, რომ სოზარ სუბარი რასაც ახლა ამბობს, გამოძიებისთვის უნდა ეთქვა.