გუშინ „ქართული ოცნების“ აღმასრულებელმა მდივანმა, მამუკა მდინარაძემ განაცხადა, რომ დაინიცირდა კანონპროექტი, რომელიც „კოლექტიური ნაციონალური მოძრაობის“ მემკვიდრე პარტიების არაკონსტიტუციურად გამოცხადებას ეხება.
„ამ მოღალატეობრივ რეჟიმს ვუთხრა, რომ ნაციონალური მოძრაობა არ არის მხოლოდ იურიდიული დოკუმენტი, ნაციონალური მოძრაობა არის პირველყოვლისა ის ხალხი, რომელიც გაერთიანებულია საქართველოსთვის ყველაზე ძვირფასი იდეის გარშემო – ეს არის ერთიანი, ძლიერი, ქართული, მაშასადამე ევროპული სახელმწიფო; ეს ნიშნავს ევროკავშირსა და ნატოში წევრობას.
ნაციონალური მოძრაობა არის იდეა და არა რაღაც დოკუმენტი, ამიტომ რამდენიც არ უნდა ურტყათ წრეები, რასაც უკვე აკეთებ მე-13 წელია მას ვერ გაანადგურებთ ისევე, როგორც ვერ გაანადგურებთ ქართველ ხალხს, როგორც იმ იდეას, რომელიც არის უზენაესი, მთავარი ჩვენი ხალხისთვის, რასაც თავისუფლება ჰქვია“, – თქვა მან.