სირიის ამჟამინდელი მთავრობის მტკიცებით, ასადის ლოიალისტების წინააღმდეგ სამხედრო ოპერაცია დასრულდა.
„ჩვენ გზას ვუხსნით ნორმალური ცხოვრების დაბრუნებას, უსაფრთხოებისა და სტაბილურობის განმტკიცებას“, – დაწერა თავდაცვის სამინისტროს წარმომადგენელმა, ჰასან აბდულ ღანიმ პლატფორმა X-ზე.
პრეზიდენტ აჰმედ ალ-შარაას ოფისის ინფორმაციით, შეიქმნება დამოუკიდებელი კომიტეტი, რომელიც ორივე მხარის მიერ ჩადენილ ძალადობრივ დანაშაულებს გამოიძიებს.
შეგახსენებთ, სირიაში, ზღვისპირა რეგიონში, ახალი მთავრობის ძალებსა და ასადის ალავიტური სექტის მებრძოლებს შორის შეიარაღებულ დაპირისპირებას 1000-ზე მეტი ადამიანი ემსხვერპლა.