ფლორიდაში, მარ-ა-ლაგოში გამართულ პრესკონფერენციაზე, ერთ-ერთმა ჟურნალისტმა აშშ-ის ახალარჩეულ პრეზიდენტს, დონალდ ტრამპს უკრაინის ომის დასრულების შესახებ ჰკითხა – „შეუძლია თუ არა აშშ-ის პრეზიდენტს ომის ექვს თვეში დასრულება?“
„იმედია, ექვსი თვე მეყოფა. თუმცა, არა, ეს 6 თვემდე დიდი ხნით ადრე უნდა მოხდეს. ყველა ხედავთ, რომ ყოველ დღე რუსეთი უამრავ ახალგაზრდას კარგავს, ასევე უკრაინაც… ეს ომი არ უნდა დაწყებულიყო. სამწუხაროა, რომ თანამდებობის დაკავებამდე [20 იანვრამდე] ვლადიმერ პუტინს ვერ შევხვდები. ასეთი შეხვედრა არაადეკვატური იქნება. ვიცი, რომ პუტინს ჩემთან საუბარი სურს,“ – ასეთი იყო ტრამპის პასუხი.