დარიალის ხეობაში, ზემო ლარსის სასაზღვრო საგუშაგოსკენ მიმავალი გზა ორივე მიმართულებით ჩაკეტილია. გავრცელებული ინფორმაციით, საქართველო-რუსეთის საზღვარზე დიდი ზვავი ჩამოწვა.
შინაგან საქმეთა სამინისტროს განცხადებით, საგანგებო სიტუაციების მართვის სამსახურში, დევდორაკში დამონტაჟებული საზომი დეტექტორიდან, რომელიც კალაპოტში დინების მინიმალური აწევის შემთხვევაში ცვლილებას აფიქსირებს, 08:36 საათზე შევიდა სასიგნალო შეტყობინება.
უწყება ამბობს, რომ სასაზღვრო გამშვები პუნქტიდან “დარიალი” მოხდა ევაკუაცია საპატრულო პოლიციის, საბაჟო სამსახურის, სასაზღვრო პოლიციის და ყველა იმ კერძო კომპანიის თანამშრომლის, რომლებიც დასაქმებულები არიან გამშვებ პუნქტზე.