ახალი ამბები მთავარი პოლიტიკა

„კობახიძეს ვურჩევდი, „ტიკ- ტოკზე“ ჩემი ვიდეოების ყურება გააგრძელოს, მძიმე ეტაპი აქვს ცხოვრებაში და განიმუხტება“ – ანა ბუჩუკური

პარტია „საქართველოსთვის“ წევრი, ანა ბუჩუკური, „ქართული ოცნების“ თავმჯდომარის, ირაკლი კობახიძის დღევანდელ პოსტს გამოეხმაურა.

„მე არ ვიცოდი, რომ ირაკლი კობახიძე ჩემი პერსონალური “ფოლოვერი” ყოფილა „ტიკ-ტოკზე“. ვურჩევდი, გააგრძელოს ჩემი ვიდეოების ყურება, მძიმე ეტაპი აქვს ცხოვრებაში და კიდევ უფრო დაუმძიმდება სამწუხაროდ. ჩემი „ტიკ-ტოკის“ ვიდეოების ყურებით განიმუხტება.

რაც შეეხება დანარჩენს, არანაირი მნიშვნელობა არ აქვს მინიონები რას იტყვიან. მთავარია ის, აპირებს ბრალდებებზე, რაც ისმის ივანიშვილის მხრიდან სამი წელია გახარიას მიმართ, აიღოს ანგარიშვალდებულება და საზოგადოების წინაშე თავად ისაუბროს, თუ აპირებს ისევ დაიმალოს და ამ მინიონებით გააგრძელოს საუბარი. მინიონების დასაცავი თუ გახდებოდა ოდესმე ივანიშვილი, ვერ წარმოვიდგენდი,“ – განაცხადა ბუჩუკურმა.

შეგახსენებთ, გახარიამ ივანიშვილი დებატებში გამოიწვია, რაზეც ირაკლი კობახიძემ სოციალურ ქსელში დაწერა: „გახარიას ვურჩევთ, დებატებზე დიდად ნუ გაიქაჩება, ბუჩუკურს და ლილუაშვილს ეტიკტოკოს“.

იტვირთბა....