დღეს გიორგი კირთაძემ „ნაციონალური მოძრაობიდან“ წასვლის შესახებ განაცხადა.
მისი თქმით, ამ პარტიასთან ურთიერთობის ყველანაირი რესურსი ამოიწურა.
კითხვაზე – „ახალი პლატფორმიდან ბრძოლა, ნიშნავს თუ არა, ნიკა მელიასთან ახალ პოლიტიკურ პარტიას?“ – კირთაძის პასუხი ასეთია:
„თუ იმას მეკითხებით, რომ ვაპირებ თუ არა რომელიმე მოქმედ პოლიტიკურ პარტიაში გაწევრიანებას – არა. თუ ნიკა მელია შექმნის პარტიას, ვიქნები თუ არა მისი პარტიის წევრი, უდიდესი ალბათობით კი.
მიმაჩნია, რომ ნიკა მელია ოპოზიციურ ფლანგზე ყველაზე გამოკვეთილი, რეიტინგული პოლიტიკური ლიდერია. დანარჩენი უახლოეს პერიოდში გამოჩნდება“, – თქვა კირთაძემ.