თბილისში სასურსათო მაღაზია დააყაჩაღეს. ტელეკომპანია „რუსთავი 2“-ის ინფორმაციით, მაღაზიაში ორი პირი შეიჭრა. გამყიდველმა მათ წინააღმდეგობა გაუწია და დაიჭრა.
ამ დროისთვის მისი ჯანმრთელობის მდგომარეობის შესახებ დეტალები უცნობია, თუმცა მაღაზიის თანამშრომლების თქმით, დაშავებული მკურნალობას საავადმყოფოში არ გადის.
თავდამსხმელები ცეცხლსასროლი იარაღით მოქმედებდნენ და მათ მცირე რაოდენობით თანხის წაღება შეძლეს.
შემთხვევა გვიან ღამით მოხდა.