ქუთაისში, ჭავჭავაძის ქუჩაზე მდებარე კვების ობიექტში აფეთქება მოხდა. შედეგად სამი ადამიანი დაშავდა, აქედან ორ მათგანს მცირე დაზიანება აქვს მიღებული, ხოლო მესამეს დაზიანებები არ აღენიშნება. სამივე მათგანი საავადმყოფოშია გადაყვანილი.
გავრცელებული ინფორმაციით, აფეთქება დაზიანებული გაზის ბალონიდან ბუნებრივი აირის გამოჟონვამ გამოიწვია.
როგორც შსს-ში აცხადებენ, საქმე აღძრულია “სისხლის სამართლის კოდექსის” 188-ე მუხლით, რაც ჯანმრთელობის გაუფრთხილებლად დაზიანებას გულისხმობს.