„ნაციონალური მოძრაობის“ თავმჯდომარე ლევან ხაბეიშვილი სოციალური ქსელით აშშ-ს მიერ საქართველოს ყოფილი გენერალური პროკურორის, ოთარ ფარცხალაძის დასანქცირების საკითხს გამოეხმაურა.
„ 2022 წლის მაისში, მას შემდეგ, როცა უკვე გამოკვეთილი იყო ივანიშვილისა და მისი კრიმინალური, რუსული პარტიის პუტინისტური მისწრაფებები, ვთქვით და დავიწყეთ მუშაობა ოლიგარქებზე, რომლებიც პუტინს ეხმარებიან ომში და რუსულ ეკონომიკაში ასხამენ მილიარდებს …
ივანიშვილის გარემოცვაში გამოვკეთეთ, თავად პუტინის ხელდასმული ბორენკა და კიდევ 5 ოლიგარქი… მალევე უკრაინამ, ზელენსკიმ ყველა ეს პირი დაასანქცირა. მას შემდეგ, წელიწადზე მეტი გავიდა და ამერიკის შეერთებულმა შტატებმა ამ 6 – დან ერთი, ბოტასების ქურდი, ივანიშვილის რჩეული პროკურორი დაასანქცირა …
ცხადია, გაგრძელება იქნება და ბევრად უფრო საინტერესო, ვიდრე ვინმეს წარმოუდგენია …
მახსოვს, 2022 წლის მაისში გაკვირვებით და ცოტათი ირონიულად კითხულობდნენ, მათ შორის, მედიის წარმომადგენლები : მართლა გგონიათ, რომ დაასანქცირებენ თქვენს მიერ დასახელებულ პირებს? …. დიახ, დიახ ასე იქნება და არის!
დასასანქცირებელთა ჩამონათვალი საკმაოდ ფართოა და დარწმუნებული ვარ, ყველა საქართველოს მოღალატე, პუტინის მოკავშირე აუცილებლად აგებს პასუხს… ბიძინა – ბორენკა ხედავ? გიახლოვდებიან … “,- წერს ის.
აშშ-ის სახელმწიფო დეპარტამენტის პრესსპიკერის, მეთიუ მილერი განმარტებით, აშშ-მ დაასანქცირა ხალხი, რომლებიც ჩართულია უკრაინის წინააღმდეგ ომში.
„სანქცირებული არიან ის ადამიანები, რომლებიც მონაწილეობენ რუსეთის ენერგო სექტორში იმისთვის, რომ შეიტანონ ფინანსები პუტინისთვის.
სანქცირებულები არიან ისინიც, ვინც ტექნოლოგიებს აწვდიან რუსეთს იმისთვის, რომ გააძლიეროს სამხედრო აგრესია უკრაინის წინააღმდეგ.
სანქცირებულთა შორის არიან რუსი ოლიგარქები, სხვადასხვა ბიზნესმენები და ბიზნესის წარმომადგენლები, რომლებიც მონაწილეობდნენ რუსეთის დახმარებაში უკრაინის წინააღმდეგ” , – განაცხადა მილერმა.