საქართველოს მესამე პრეზიდენტი, მიხეილ სააკაშვილი უკრაინის დამოუკიდებლობის დღეს ეხმაურება და წერს:
“დღეს უკრაინის დამოუკიდებლობის დღეა!
მინდა გავიხსენო თუ რა როლი შეასრულეს ქართველებმა უკრაინის დამოუკიდებელი ინსტიტუტების შექმნაში. უკრაინის პირველმა პრეზიდენტმა გრუშევსკიმ თბილისის კლასიკური გიმნაზია დაამთავრა. ,,ვარდების რევოლუციას” უმნიშვნელოვანესი გავლენა ჰქონდა ნარინჯისფერ რევოლუციაზე.
მას შემდეგ რაც მე 2014 წლის მაიდანზე ჩავედი (მაიდნის ამ მოვლენების დროს 2 ქართველი დაიღუპა) ჩემთან ერთად კიევში ნამდვილი ქართული დესანტი გადასხდა. უზარმაზარი გავლენა ჰქონდა კახა ბენდუქიძის იდეებს. კიევის ცენტრში ერთ-ერთ მთავარ ქუჩას მისი სახელი დაარქვეს. უკრაინაში ახალი პოლიციის შექმნაში გადამწყვეტი როლი ითამაშა ეკა ზღულაძემ და ხატია დეკანოიძემ, რომელიც გახდა უკრაინის ნაციონალური პოლიციის პირველი უფროსი. გიორგი ვაშაძემ, ადგილობრივ ქართველთან – ლევან ფარცხალაძესთან ერთად, კიევის ცენტრში ქართული იუსტიციის სახლის პირველი ანალოგი ააშენა და შექმნა მოდელი, რომელსაც ‘’Готово’’ ეწოდა.
მთელი უკრაინისთვის ჩვენ ყველანი ჩართული ვიყავით სახელმწიფო შესყიდვების გამჭვირვალე სისტემის შექმნაზე, რომელსაც ‘’პროზორო’’ ეწოდა.
მარიუპოლის მშენებლობაში და ინვესტიციების მოზიდვაში აქტიურად იყო ჩართული ლევან ვარშალომიძე. ფაქტობრივად, მარიუპოლის ბათუმიზაცია ლევანის პროექტი იყო და რომ არა ეს მოვლენები, დღეს მარიუპოლი სულ სხვანაირი იქნებოდა.
გოგა ცხაკაია უკრაინაში რეფორმების სხვადასხვა
მიმართულებით გატარების, ისეთი როგორიცაა: საბაჟო, სამშენებლო ნებართვები და სხვა, ერთ-ერთი წარმატებული და ცენტრალური ფიგურაა.
კობა ნაყოფია ქართულ-უკრაინულ ურთიერთობებში განსაკუთრებულ როლს ასრულებს. საკუთარი ინიციატივებითა და გადადგმული ნაბიჯებით, კობა კიდევ უფრო აძლიერებს ორი ქვეყნის ხალხებს შორის არსებულ მჭიდრო, მეგობრულ ურთიერთობას.
გია ლორთქიფანიძემ პრაქტიკულად თავიდან ჩამოაყალიბა უკრაინის კონტრდაზვერვა. დათო ლორთქიფანიძემ, უკრაინის გენერალური პროკურორის მოადგილეობისას გამოიძია უკრაინის ისტორიაში და იმ დროისთვის ყველაზე რეზონანსული საქმე, დააპატიმრა ქალაქ კიევისა და კიდევ რამდენიმე მაღალი რანგის პროკურორი.
გიზო უგლავამ ჩამოაყალიბა უკრაინის ანტიკორუფციული სამსახურის ‘’НАБУ’’ – გამოძიების ინსტიტუტი. მას შემდეგ, რაც ამ სამსახურს სათავეში ჩაუდგა ჩემი მრავალწლიანი თანაშემწე სიმონ კრივონოსი НАБУ-მ ანტიკორუფციულ სფეროში სასწაულების კეთება დაიწყო. მაგალითად, დააპატიმრა უზენაესი სასამართლოს თავმჯდომარე, ქალაქ ოდესის მერი და ბევრი სხვა მაღალი თანამდებობის პირი.
რა თქმა უნდა, ჩვენ ყოველთვის უნდა გვახსოვდეს ჩვენი სამხედროები. ვამაყობ, რომ ჩემმა კიდევ ერთმა თანაშემწემ გიორგი ქუფარაშვილმა გადამწყვეტი როლი შეასრულა ‘’აზოვის’’ შექმნაში და დღესაც მძიმე ჭრილობის შემდეგ დაბრუნდა მწყობრში.
2014 წლიდან 70-ზე მეტმა ქართველმა გაწირა თავი უკრაინისთვის და, შესაბამისად, საქართველოსთვის. ქართულ ლეგიონს და მამუკა მამულაშვილს მთელი უკრაინა იცნობს.
რუსეთის სამხედრო დანაშაულების გამოძიებაში უკრაინის ხელისუფლებამ მთავარი ფუნქცია ზურაბ ადეიშვილს დააკისრა.
ასე რომ თავზე ნაცრის დაყრის დრო არ არის! ქართველებმა უნდა ვისწავლოთ სხვა ქართველებით სიამაყე! მე ძალიან ვამაყობ ჩვენი ქართველებით უკრაინაში და თქვენ?, – წერს მიხეილ სააკაშვილი.