შოვში, სტიქიის ზონაში კიდევ ერთი ადამიანის ცხედარი იპოვეს. ინფორმაციას შინაგან საქმეთა სამინისტრო ავრცელებს.
ამ დროის მონაცემებით, 3 აგვისტოს რაჭაში მომხდარი ტრაგედიისას დაღუპულთა რიცხვი 29-მდეა გაზრდილი, მაშველები კიდევ 4 პირს ეძებენ.
“ონის მუნიციპალიტეტში, სტიქიის ზონაში სამძებრო სამუშაოების შედეგად მაშველების მიერ კიდევ ერთი ცხედარია ნაპოვნი.
ამ დროისთვის სტიქიის ზონაში აღმოჩენილია 29 ცხედარი და საძიებო სამუშაოები 4 პირთან დაკავშირებით მიმდინარეობს.
სამძებრო სამუშაოებში ჩართულია ცოცხალი ძალა, მძიმე ტექნიკა, მცურავი საშუალებები და კინოლოგთა ჯგუფი”, – ნათქვამია შსს-ს განცხადებაში.
შეგახსენებთ, 3 აგვისტოს შოვში მეწყერი ჩამოწვა, რომელმაც სოფელი, ფაქტობრივად, სრულად გაანადგურა. ნაპოვნი 29 ცხედრის გარდა, 4 დაკარგულს, მათ შორის ბავშვებს, ამ დრომდე ეძებენ