რუსეთის საერთაშორისო საკითხებში სახელმწიფო დუმის კომიტეტის ხელძღვანელის, ლეონიდ სლუცკის თქმით, საქართველოს პრეზიდენტის განცხადება, რომელიც რუსეთის მოქალაქეებისთვის ვიზების შემოღებას ითვალისწინებს, გარედან არის ნაკარნახევი.
მისი თქმით, “ქართული ოცნება” მოწოდების სიმაღლეზეა.
“მსგავსი გამონათქვამები და მოქმედებები აშკარაა, რომ გარედან არის ნაკარნახევი და ეროვნულ ინტერესებს არ ესამხურება. საქართველოს მმართველი პარტიის ხელმძღვანელობა გაცილებით უფრო ამაღლებულ პოზიციას იკავებს, რომელიც, პირველ რიგში, ქვეყნის ეკონომიკურ პრიორიტეტებს ემსახურება.
მოსკოვთან უფრო კოსნტრუქციული ურთიერთობის ეტაპზე გადასვლა მთლიანად რეგიონის უსაფრთხოებას შეუწყობს ხელს, – თქვა დეპუტატმა” – განაცხადა ლეონიდ სლუცკიმ.
შეგახსენებთ, რუსეთის პრეზიდენტმა, ვლადიმერ პუტინმა საქართველოს მოქალაქეებისთვის სავიზო რეჟიმი გააუქმა. განკარგულების თანახმად, გადაწყვეტილება ძალაში 2023 წლის 15 მაისიდან შევა.