უკრაინის პრეზიდენტის მრჩეველმა, მიხაილო პოდოლიაკმა კიდევ ერთხელ მიმართა უკრაინის მოკავშირეებს.
„რუსეთი მთელი ღამე და დილა ბომბავს უკრაინის ქალაქებს. რუსეთის განზრახვა იგივეა: მასობრივი განადგურება და მკვლელობა. საკმარისია საუბარი და პოლიტიკური ყოყმანი. მხოლოდ სწრაფი გადაწყვეტილებები: შორ მანძილზე მოქმედი რაკეტები, გამანადგურებელი თვითმფრინავები, ოპერატიული მარაგის ლოგისტიკა უკრაინისთვის. წინააღმდეგ შემთხვევაში გენოციდის შეჩერება შეუძლებელია” , – განაცხადა პოდოლიაკმა.
აღნიშნული მიმართვა რუსეთის მიერ უკრაინის ქალაქების მორიგ მასობრივ დაბომბვას მოჰყვა.