უკრაინის პრეზიდენტმა, ვოლოდიმირ ზელენსკიმ მსოფლიოს კიდევ ერთხელ მიმართა.
„მტერმა დღეს მორიგი მასირებული შეტევის დროს 70 რაკეტა გაუშვა ჩვენი მიმართულებით. აქედან სულ მცირე, 60 რაკეტა ჩამოვაგდეთ. სამწუხაროდ, ნაწილი მოხვდა მიზანს, არის მსხვერპლი.
ამასთან, რამდენიმე რუსულმა რაკეტამ შეაღწია მოლდოვასა და რუმინეთის საჰაერო სივრცეში. ეს რაკეტები არის გამოწვევა ნატო-სთვის, მისი კოლექტიური უსაფრთხოებისთვის.
ეს ტერორია, რომელიც შეიძლება და აუცილებელიცაა, რომ შევაჩეროთ. მსოფლიომ უნდა შეაჩეროს“ , – განაცხადა უკრაინის პრეზიდენტმა.