საქართველოს მთელ ტერიტორიაზე დღეს დროშები დაეშვება. საბჭოთა ოკუპაციიდან 95 წელი გავიდა. 1921 წლის 17 თებერვალს საბჭოთა არმიამ ომის გამოუცხადებლად საქართველოს ანექსია მოახდინა. ამავე წლის 25 თებერვალს საქართველოს დამოუკიდებლობისთვის მებრძოლ იუნკერთა დიდი ნაწილი ბრძოლის ველზე გმირულად დაეცა. საქართველოს პარლამენტის 2010 წლის 21 ივლისის დადგენილების თანახმად, ყოველი წლის 25 თებერვალი საბჭოთა ოკუპაციის დღედ გამოცხადდა.