ომის დაწყებიდან დღემდე, რუსმა ოკუპანტებმა უკრაინიდან 10 000 ბავშვი გაიტაცეს. ამის შესახებ ინფორმაციას “ეროვნული წინააღმდეგობის ცენტრი” ავრცელებს. მათივე თქმით, ბავშვები სკოლა-ინტერნატებიდან გამოჰყავთ და უკან არ აბრუნებენ. ისინი იტაცებენ როგორც ობოლ ბავშვებს, ასევე მშობლებთან ერთად მცხოვრებ არასრულწლოვნებსაც.
”ისინი გადაჰყავთ რუსეთში ბავშვთა ბანაკებში და მშობლებთან აღარ აბრუნებენ. ამით კრემლი ცდილობს, აიძულოს მშობლები, წავიდნენ რუსეთში შვილებთან და დატოვონ სახლები”, – წერია ცენტრის განცხადებაში.
უკრაინული მხარის ცნობით, უკრაინის დროებით ოკუპირებულ ტერიტორიებზე ხალხი ვერ დაბრუნდება საკუთარ სახლებში, რადგან რუსებმა შემოიღეს “საომარი მდგომარეობა”. გარდა ამისა, უკრაინელი ბავშვები გადაჰყავთ რუსეთის შორეულ – ლენინგრადის, ვოლგოგრადის, ნოვოსიბირსკის, ტიუმენის რეგიონებში.