რუსეთის ფედერაციის პრეზიდენტმა, ვლადიმერ პუტინმა პრესკონფერენციაზე უკრაინული მარცვლეულის ექსპორტის შესახებ შეთანხმებაზე ისაუბრა.
“ჩვენ არ ვამბობთ, რომ ვწყვეტთ მონაწილეობას ამ ოპერაციაში. არა, ჩვენ ვამბობთ, რომ ვაჩერებთ მას.” – განაცხადა პუტინმა.
რუსეთის ლიდერმა ამის მიზეზად დაასახელა ის საფრთხე, რომელიც, მისი თქმით, უკრაინულმა უპილოტო თვითმფრინავებმა შეუქმნეს.
„უკრაინულმა უპილოტო თვითმფრინავებმა იგივე დერეფნები გაიარეს, რომლებსაც მარცვლეულის გემები იყენებდნენ“ , – აღნიშნა მან.
შეგახსენებთ, რომ 29 ოქტომბერს რუსეთის თავდაცვის სამინისტრომ განაცხადა, რომ რუსეთი უკრაინასთან მარცვლეულის შეთანხმებას წყვეტს.