საქართველოს პრეზიდენტმა თურქეთის მთავრობას, ბართინის მაღაროში აფეთქების შედეგად ათეულობით ადამიანის დაღუპვის გამო სამძიმარი გამოუცხადა.
“ტრაგიკული ამბავია თურქეთის ბართინის პროვინციიდან. გულწრფელ სამძიმარს ვუცხადებ დაღუპულთა ოჯახებს. ვლოცულობთ მათთვის, ვინც საყვარელი ადამიანები დაკარგა,” – წერს სალომე ზურაბიშვილი.
შეგახსენებთ, რომ 28 ადამიანი დაიღუპა თურქეთში, მაღაროში აფეთქების შედეგად. ნანგრევების ქვეშ რჩება ათობით მაღაროელი და მათ გადასარჩენად 150-მდე მაშველი სამძებრო-სამაშველო ოპერაციას ამ წუთებშიც ახორციელებს.
58 გადარჩენილიდან კი 11 მკურნალობას საავადმყოფოში განაგრძობს. შემთხვევა ბართინის პროვინციაში მდებარე მაღაროში მოხდა. აფეთქების დროს, ადგილზე 110 ადამიანი იმყოფებოდა. უცნობია თუ რა გახდა აფეთქების მიზეზი.