ამერიკის შეერთებული შტატების სახელმწიფო მდივანი ენტონი ბლინკენი კიევში მოულოდნელი ვიზიტით ჩავიდა, – აღნიშნულის შესახებ ინფორმაციას უკრაინული მედია ავრცელებს.
კერძოდ, მისი ვიზიტი მოიცავს შეხვედრებს უკრაინელ ოფიციალურ პირებთან და უკრაინისადმი აშშ-ის მხარდაჭერის დემონსტრირებას ისახავს მიზნად.
იმავდროულად, Reuters-ის ცნობით, კიევში აშშ-ს სახელმწიფო მდივანი გამოაცხადებს 2 მილიარდი დოლარის სამხედრო დაფინანსების გამოყოფას უკრაინასა და 18 სხვა სახელმწიფოსთვის, რომლებსაც შესაძლოა რუსეთის აგრესიის მსხვერპლი გახდნენ.
ფოტოს გამოცემა “ბლუმბერგი” ავრცელებს.