კლინიკა “ვივა მედში” მესამე პრეზიდენტის, მიხეილ სააკაშვილის მოსანახულებლად შვეიცარიელი ექსპერტი მივიდა. გაეროში აკრედიტებული სასამართლო-სამედიცინო ექსპერტი მესამე პრეზიდენტს შეხვდება.
სააკაშვილის ადვოკატის, შალვა ხაჭაპურიძის ინფორმაციით, უახლოეს საათებში საქართველოში ასევე ჩამოვა შვეიცარიელი ექსპერტი, მომდევნო დღეებში კი ქვეყანაში კიდევ ორ ამერიკელ სამედიცინო ექსპერტს ელოდებიან.
როგორც ცნობილია, უცხოელი ექსპერტები საქართველოში 3 დღე დარჩებიან. ამ დროის განმავლობაში შეხვედრები იგეგმება, თავად მიხეილ სააკაშვილთან, მისი ოჯახის წევრებთან, ადვოკატებთან, ასევე ცენტრ “ემპათიის” წარმომადგენლებთან. შეხვედრების შემდეგ, უცხოელი ექსპერტები საბოლოო დასკვნას მოამზადებენ, რომელიც მიხეილ სააკაშვილის მკურნალობას და მისი გამოჯანმრთელების გზებს შეეხება.
ჯანდაცვის სამინისტროს ინფორმაციით, ყოფილი პრეზიდენტის, მიხეილ სააკაშვილის მოსანახულებლად ორ სამედიცინო ექსპერტზე უწყებას თანხმობა გაცემული აქვს.
ფოტო: მთავარი არხი