ახალი ამბები სპორტი

რუსების გარეშე საბჭოთა კავშირის ჩემპიონატი უნდა აღვადგინოთ – ხვიჩია

რუსების გარეშე საბჭოთა კავშირის ჩემპიონატი უნდა აღვადგინოთ – ამის შესახებ “გირჩის” ერთ-ერთმა ლიდერმა, იაგო ხვიჩიამ საზოგადოებრივი მაუწყებლის გადაცემაში “ტაიმაუტი” ისაუბრა.

მისივე თქმით, აზარტი საბჭოთა კავშირის დანგრევამ გამოგვაცალა, ახალი აზარტი ვერ შევქმენით.

“მგონია, რომ საქართველოში არსებობდა ქართული საბჭოთა ფეხბურთი, მაგრამ ქართული ფეხბურთი ვერ შევქმენით. ფეხბურთი რაც იყო, იყო საბჭოთა კავშირში. შენ თუ ევროპის და მსოფლიოს ჩემპიონატებზე არ გადიხარ, შენი საკლუბო გუნდები არ მონაწილეობენ თუნდაც უეფას თასის ფინალურ ეტაპებზე მაინც, შენ არ შეიძლება ილაპარაკო, რომ ფეხბურთი გაქვს.

ჩვენი ფეხბურთი ეთნიკურ ნიადაგზე იდგა, მთელი ერი ვიბრძოდით მოედანზე და იქ მებრძოლებს უყურებდა ადამიანი, ასეთი აზარტი იყო. ეს აზარტი საბჭოთა კავშირის დანგრევამ გამოგვაცალა, ახალი აზარტი ვერ შევქმენით.

ჩემი აზრით, რუსების გარეშე საბჭოთა კავშირის ჩემპიონატი უნდა აღვადგინოთ. თუ გვინდა, რომ მაღალი ხარისხის ფეხბურთი ვითამაშოთ, კონკურენცია უნდა გავაჩინოთ. თუ ეს ჩემპიონატი შეუძლებელია, ვისთანაც შესაძლებელია, იქ უნდა გავაკეთოთ. რადგან, გულშემატკივარმა უნდა იცოდეს, რომ მისი გუნდის საგულშემატკივროდ მიდის, თორემ სამტრედია და გორი რომ თამაშობს, ორივე ჩემი გუნდია”, – განაცხადა ხვიჩიამ.

ავიაბილეთები იაფად
იტვირთბა....

სხვა ამბები

MH17-ის ჩამოგდებაში ეჭვმიტანილი იგორ გირკინი ყირიმში დააკავეს – მედია

42 ქვეყანა, მათ შორის საქართველო, რუსეთს ზაპოროჟიეს ელექტროსადგურიდან ძალების გაყვანისკენ მოუწოდებს

“რუსეთის უკანასკნელი მოკავშირე თუ აღმოვჩნდით კონტრიბუციის გადახდა მოგვიწევს” – ბარბაქაძე

“არ მქვია ომში გამარჯვებული მეომარი…გამარჯვება დაიწყება უკრაინიდან, მერე აფხაზეთი და სამაჩაბლო” – ნადირაძის მიმართვა

“რუსეთს იარაღის შემოტანა უკვე უჭირს, რადგან გზები გადაკეტილია” – მამულაშვილი

მაკრონმა ფინეთისა და შვედეთის NATO-ში გაწევრიანების შესახებ პროტოკოლს ხელი მოაწერა