დაავადებათა კონტროლის ეროვნული ცენტრის (NCDC) დირექტორი ამირან გამყრელიძე აცხადებს, რომ “მაიმუნის ყვავილის”ვირუსის დიაგნოსტიკისთვის ქვეყანაში მალე PCR ტესტები ხელმისაწვდომი იქნება – ამის შესახებ მან BMG-თან ისაუბრა.
“დაავადებათა ცენტრს დღეს ამ ვირუსის იდენტიფიცირების საშუალება გენომის სექვენირებით აქვს. სპეციფიური PCR ტესტების პრაიმერებიც დიდი ალბათობით მალე გვექნება”,- თქვა ამირან გამყრელიძემ.