უკრაინის თავდაცვის სამინისტროს მთავარი სადაზვერვო სამმართველოს უფროსი კირილ ბუდანოვი ამტკიცებს, რომ უკრაინის წინააღმდეგ ომის დაწყების შემდეგ რუსეთის პრეზიდენტის, ვლადიმერ პუტინის მკვლელობა სცადეს. ამის შესახებ კირილ ბუდანოვი უკრაინსკა პრავდასთან ინტერვიუში საუბრობს.
“იყო პუტინზე მკვლელობის მცდელობები…არც ისე დიდი ხნის წინ, როგორც ამბობენ, კავკასიის წარმომადგენლების მეშვეობით იყო მასზე მკვლელობის მცდელობა. ეს არ არის საჯარო ინფორმაცია. სრულიად წარუმატებელი მცდელობა, მაგრამ მართლაც იყო მცდელობა… ეს იყო დაახლოებით 2 თვის წინ.” – აცხადებს ბუდანოვი.