როდესაც რაღაცას გაბრალებენ, დამბრალებელმა თვითონ უნდა დაამტკიცოს, რამდენად არის მისი განცხადება სიმართლე. აქედან გამომდინარე, ხელისუფლების პოზიცია არის მარტივი – უკრაინის ხელისუფლებამ უნდა წარმოადგინოს ინფორმაციის წყარო და ამის შემდეგ შეგვიძლია ვიმსჯელოთ ყველაფერზე. თუმცა, ჩვენ დარწმუნებული ვართ, რომ ვერავითარ წყაროს და მტკიცებულებას ვერ წარმოადგენენ. ამას მარტივი მიზეზი აქვს – ეს არის აბსურდი. უკრაინიდან კონტრაბანდული პროდუქტი სააკაშვილის სახით ომის წინ შემოვიდა. როგორ გადმოკვეთა ამ კონტრაბანდულმა პროდუქტმა უკრაინის საზღვარი, შეგიძლიათ მოიკითხოთ
ასე გამოეხმაურა პარტია “ქართული ოცნების” თავმჯდომარე ირაკლი კობახიძე უკრაინის თავდაცვის სამინისტროს დაზვერვის მთავარი სამმართველოს ინფორმაციას იმის შესახებ, რომ საქართველოს მთავრობა რუსეთს სანქცირებული კონტრაბანდის შეტანაზე შეუთანხმდა.