ხარკოვში რუსი ოკუპანტების დესანტი შევიდა, მიმდინარეობს ბრძოლა, – აღნიშნულის შესახებ ინფორმაციას უკრაინული მედია ავრცელებს.
მისივე ცნობით, რუსი სამხედროები თავს დაესხნენ ჩრდილოეთ რეგიონის სამხედრო სამედიცინო კლინიკურ ცენტრს
“რუსული ჯარები დაეშვნენ ხარკოვში. დამპყრობლები თავს დაესხნენ საავადმყოფოს – ჩრდილოეთ რეგიონის სამხედრო სამედიცინო კლინიკურ ცენტრს. დაიწყო ბრძოლა დამპყრობლებსა და უკრაინელ დამცველებს შორის”, – ნათქვამია ანგარიშში.
უკრაინელ სამხედროებს შორის მსხვერპლი არ არის, ახლა ჰოსპიტალთან სიტუაცია კონტროლს ექვემდებარება, უსაფრთხოება გაძლიერებულია.
თავდასხმა მაშინ მოხდა, როცა ქალაქში განგაშის სიგნალი იყო ჩართული.
შეგახსენებთ, რომ 1 მარტის დილას რუსმა სამხედროებმა ხარკოვის რეგიონალური სახელმწიფო ადმინისტრაციის შენობის მიმართ სარაკეტო იერიში განახორციელეს .
.