სტამბოლში აფეთქების შედეგად მინიმუმ 10 ადამიანი დაიღუპა.
ამის შესახებ ინფორმაციას ბრიტანული მაუწყებლობა BBC ავრცელებს.
აფეთქება დილის 10 საათის შემდეგ სულთანაჰმედის ისტორიულ მოედანზე, ცისფერ მეჩეთთან ახლოს მოხდა.
შემთხვევის შედეგად 15 ადამიანი დაიჭრა – ნათქვამია სტამბოლის გუბერნატორის აპარატის განცხადებაში.
გავრცელებული ინფორმაციით, აფეთქება თვითმკვლელი ტერორისტის მიერ განხორციელდა.
პოლიცია იძიებს თუ რა ტიპის ასაფეთქებელი მოწყობილობა იქნა გამოყენებული.