სახელმწფო ინსპექტორის აპარატის წარმომადგენელი გლდანის ციხის საავადმყოფოში მიხეილ სააკაშვილთან შევიდა. შესვლამდე მან მედიასთან კომენტარი გააკეთა და აღნიშნა, რომ ექსპრეზიდენტი მის მიმართ განხორციელებულ შესაძლო ძალადობასთან დაკავშირებით ადვოკატების თანდასწრებით გამოიკითხება.
“დღეს დაგეგმილია მიხეილ სააკაშვილის გამოკითხვა ადვოკატების მონაწილეობით და ასევე, საჭიროების შემთხვევაში განხორციელდება სხვა შემდგომი საპროცესო და საგამოძიებო მოქმედებები, როგორიცაა ექსპერტიზის დანიშვმა და ა.შ”, – თქვა გიორგი მიქელაძემ.