პარტია ქართული ოცნების თავმჯდომარე, ირაკლი კობახიძე ინტერნეტში გავრცელებულ ჩანაწერებთან დაკავშირებით საქართველოში ევროკავშირის ელჩის, კარლ ჰარცელის განცხადებას ეხმაურება.
როგორც კობახიძე ჟურნალისტებთან ამბობს, ელჩის განცხადება დიპლომატიურ სტანდარტებს აცდენილი იყო.
“რაც შეეხება კონკრეტულად ელჩის განცხადებას, მე არ ვარ დიპლომატი და შეიძლება ვერ ვერკვევი ბოლომდე ამ საკითხებში, მაგრამ დიპლომატიურ სტანდარტებს ოდნავ მემგონი აცდენილი იყო, მითუმეტეს ამ წინასაარჩევნო პერიოდში ეს განცხადება”, – ამბობს კობახიძე.
შეგახსენებთ, რომ ფარულ მოხმენებთან დაკავშირებით ევროკავშირის ელჩი საქართველოში ბრიუსელში დაიბარეს. ჰარცელის თქმით, ქვეყანაში დიპლომატებსაც უსმენე, რასაც ევროკავშირი ნორმალურ მოვლენად არ აფასებს.