ევროპარლამენტარი მარინა კალიურანდი საქართველოს ყოფილ პრეზიდენტთან, მიხეილ სააკაშვილთან გამართულ შეხვედრას ტვიტერში ეხმაურება.
როგორც კალიურანდი წერს, მან მოუწოდა სააკაშვილს, რომ თავი შეიკავოს პროვოკაციებისგან.
“ევროპარლამენტარებსა და სააკაშვილს შორის გამართულ შეხვედრაზე, მე მას მოვუწოდე თავი შეიკავოს პროვოკაციებისგან და საკუთარი პოლიტიკური კაპიტალი საქართველოში წინასაარჩევნო ვითარების დეპოლარიზაციისთვის გამოიყენოს, პატივი სცეს ეუთო/ოდირის გადაწყვეტილებას 2 ოქტომბრის ადგილობრივი არჩევნების შემდეგ”, – წერს კალიურანდი.
შეგახსენებთ, რომ ევროპარლამენტარებმა საქართველოს ყოფილ პრეზიდენტთან, მიხეილ სააკაშვილთან შეხვედრა გამართეს.