ახალი ამბები კრიმინალი სამართალი

შსს ყვარელში საქართველოს ბანკზე მომხდარ თავდასხმასთან დაკავშირებით ოფიციალურ ინფორმაციას ავრცელებს

შინაგან საქმეთა სამინისტრო ყვარელში საქართველოს ბანკზე მომხდარ თავდასხმასთან დაკავშირებით ოფიციალურ ინფორმაციას ავრცელებს.

უწყების ინფორმაციით, თავდამსხმელს ბანკის ფილიალში მძევლად 13 პირი ჰყავდა აყვანილი.

“შინაგან საქმეთა სამინისტრომ ყვარელში “საქართველოს ბანკის” ერთ-ერთ ფილიალზე თავდასხმის, ტერორისტული მიზნით მძევლად ხელში ჩაგდების და საბრძოლო მასალის მართლსაწინააღმდეგო შეძენა-შენახვა-ტარების ბრალდებით, 1 პირი – 1972 წელს დაბადებული შ.მ. დააკავა.

გამოძიებით დადგინდა, რომ შეიარაღებული შ.მ. ყვარელში, ჭავჭავაძის ქუჩაზე მდებარე “საქართველოს ბანკის” ფილიალში დღის მეორე ნახევარში შეიჭრა და დიდი ოდენობის თანხის დაუფლების მიზნით 13 პირი მძევლად აიყვანა.

ადგილზე დაუყოვნებლივ მოხდა პოლიციის შესაბამისი დანაყოფების მობილიზება და დაიწყო ოპერატიულ-საგამოძიებო ღონისძიებები.

შინაგან საქმეთა სამინისტროს წარმომადგენლებსა და თავდამსხმელს შორის განხორციელებული მოლაპარაკებების შედეგად, შ.მ.-მ მძევლად აყვანილი ყველა ადამიანი ეტაპობრივად გაათავისუფლა, რის შემდეგაც სამართალდამცველებმა ის ბრალდებულის სახით ადგილზე დააკავეს. მომხდარის შედეგად არავინ დაშავებულა”, – აღნიშნულია შსს-ს განცხადებაში.

მათივე ცნობით, მომხდარ ფაქტზე გამოძიება საქართველოს სისხლის სამართლის კოდექსის 236-ე, 323-ე და 329-ე მუხლებით მიმდინარეობს.

ავიაბილეთები იაფად
იტვირთბა....

სხვა ამბები

მოფარიკავე სანდრო ბაზაძე მსოფლიო თასის გამარჯვებულია

ნათელაშვილი: სასწრაფოდ გაუქმდეს პარაზიტი აფხაზეთის საბჭო და ყველა ფულიჭამია უწყება

სამადაშვილი: დიდი ხანია, ადამიანის სიცოცხლე ამდენად გაუფასურებული არ ყოფილა ჩვენს ქვეყანაში

გვარამია: არც მინისტრი შეხვდა დევნილებს და არც პრემიერმინისტრი, ფეხებზე დაიკიდეს

სანატორიუმ „ქართლში“ მცხოვრები დევნილები ახალ საცხოვრებელ ფართებს 2022 წელს უპირობოდ მიიღებენ – სამინისტროს განცხადება

აბა, ხელისუფლებავ, მიდი, დაიწყე კამპანია, რომ სვამდა, ნარკოტიკებს იღებდა ან რამე მსგავსი – სანაია გარდაცვლილ დევნილზე