პრემიერ-მინისტრ ირაკლი ღარიბაშვილის განცხადებით, ქვეყანაში მილიონი დოზა ფაიზერი და დაახლოებით მილიონი დოზა ჩინური ვაქცინა სინოვაკია.
მისივე თქმით, მთავრობა ქვეყანაში დამატებით მილიონი დოზა სინოფარმის და 2 მილიონი დოზა ფაიზერის ვაქცინის შემოტანაზე მუშაობს.
„ჩვენი მთავარი ამოცანაა, სიტუაცია იყოს მართული და ჩვენი არც ერთი მოქალაქე არ დარჩეს ზრუნვის და მკურნალობის გარეშე. ჩვენ ყველაფერი გავაკეთეთ იმისთვის, რომ საკმარისზე მეტი რაოდენობის ვაქცინები შემოგვეტანა. 3 მილიონზე მეტი ვაქცინა შემოვიტანეთ, დღეს ქვეყანაში არის მილიონი დოზა ფაიზერი, დაახლოებით მილიონი დოზა ჩინური ვაქცინა სინოვაკი და ჩემი დავალებით ვმუშაობთ მილიონი დოზა სინოფარმის და 2 მილიონი დოზა ფაიზერის შემოტანაზე, რომელიც აუცილებლად გამოგვადგება შემდგომი თვეების განმავლობაში. რა თქმა უნდა, გამოსავალი ამ სიტუაციაში არის აცრები და მინდა, კიდევ ერთხელ მოვუწოდო ჩვენს მოსახლეობას ვაქცინაციის პროცესში ჩართვისაკენ”, – განაცხადა პრემიერმა.
როგორც ღარიბაშვილმა აღნიშნა, ქვეყანაში დაწესებული შეზღუდვები უკვე ოპტიმიზმის საფუძველს იძლევა.