საპარლამენტო უმრავლესობის ერთერთი ლიდერის მამუკა მდინარაძის განცხადებით, ტყუილია გიორგი გახარიას განცხადება, რომლის თანახმადაც მან 20 ივნისის ღამეს პარლამენტში ქართული ოცნებიდან ვერავინ ნახა.
“ყველანი იქ ვიყავით, პირადად მე მას ერთი წუთით არ მოვშორებივარ. მე დილიდან ვიყავი ერთ-ერთი პირველი, ვინც გააპროტესტა გავრილოვის იმ სკამში ჩასკუპება, მაგრამ არ ყოფილა არცერთი წამი, როცა პარლამენტში გახარიას გვერდით არ ყოფილიყო უმრავლესობის არაერთი დეპუტატი. დღეს მე სადაც ვზივარ, იმ ოთახის თავზე იყო ვიცე-სპიკერის, ზვიად ძიძიგურის კაბინეტი, საიდანაც გიორგი გახარია უყურებდა სიტუაციას. ის ოთახი უმრავლესობის დეპუტატებით სავსე იყო. როდესაც ადამიანი ამბობს, რომ მაშინ პარლამენტში ვერავინ ნახა, რამდენად გულწრფელია ის, მარტივი განსასჯელია. ეს არის პირდაპირ გამიზნული ტყუილი, პარლამენტის და პარლამენტარების დისკრედიტაციისთვის”, – განაცხადა მდინარაძემ იმედის ეთერში.
პარტია საქართველოსთვის ლიდერმა, გიორგი გახარიამ 20 ივნისის ღამესთან დაკავშირებით გადაცემაში რეაქცია განაცხადა, რომ ქართული ოცნების წარმომადგენლები არც პარლამენტში იყვნენ, ზოგი არც ზარს პასუხობდა.