ახალი ამბები მთავარი პოლიტიკა საზოგადოება

გვარამია ნაცმოძრაობას: ყოჩაღ, ნინოწმინდის პანსიონზე განცხადების გამო

მთავარი არხის გენერალური დირექტორი ნიკა გვარამია ნინოწმინდის ბავშვთა პანსიონთან დაკავშირებით ნაციონალური მოძრაობის მიერ გაკეთებულ განცხადებას იწონებს, თუმცა მეუფე სპირიდონის არხსენების გამო აკრიტიკებს. მისი თქმით,  ეს ფაქტი სწორ და დროულ განცხადებას ჩრდილს აყენებს.

“ყოჩაღ ერთიანი ნაციონალური მოძრაობა | United National Movement ნინოწმინდის პანსიონზე განცხადების გამო.

თუმცა, საზარელი დანაშაულების სერიის მთავარი ხელშემწყობის, მეუფე სპირიდონის და ასევე საპატრიარქოს სამარცხვინო და წამახალისებელი დუმილის არხსენება, არ მგონია სწორი იყოს და მგონია, რომ ჩრდილს აყენებს თქვენს გამბედავ, სწორ და დროულ განცხადებას”, – წერს გვარამია.

გაეროს ბავშვთა უფლებათა კომიტეტმა საქართველოს ხელისუფლება 7 მაისს დაავალდებულა, უზრუნველეყო მართლმადიდებელი ეკლესიის დაქვემდებარებაში მყოფი ნინოწმინდის ბავშვთა პანსიონის მონიტორინგი იმის გასარკვევად, თუ რა მდგომარეობაში არიან იქ ბავშვები. ეკლესია ომბუდსმენს არ აძლევს უფლებას პანსიონატში შევიდეს.

ამასთანავე, 2 ივნისს სახალხო დამცველმა გამოთხოვილ ინფორმაციაზე დაყრდნობით განაცხადა, რომ 2016-2021 წლებში პანსიონში სისხლის სამართლის 4 გამოძიება მიმდინარეობს, მათ შორის ერთი – გაუპატიურების მუხლით, დანარჩენი კი ძალადობის.

19 მაისს სახალხო დამცველმა კიდევ განცხადება გაავრცელა, რომ ნინოწმინდის პანსიონში აპარატის წარმომადგენლები ისევ არ შეუშვეს. აპარატის თქმით, არშეშვების კიდევ ერთი ფაქტი აჩვენებს, რომ სახელმწიფო არ ასრულებს გაეროს მიერ დაკისრებულს ვალდებულებას და არღვევს ბავშვის უფლებათა დაცვის კუთხით მასზე დაკისრებულ ვალდებულებებს.

ავიაბილეთები იაფად
იტვირთბა....

სხვა ამბები

სავაჭრო ცენტრზე განხორციელებული სარაკეტო დარტყმა ერთ-ერთი ყველაზე უტიფარი ტერორისტული აქტია – ზელენსკი

ნებისმიერი ტვირთის საქართველოს საბაჟო სივრცეში შემოსვლამდე, ვერ მოხდება მისი სანქციებთან შესაბამისობის დოკუმენტური შემოწმება – ფინანსთა მინისტრი

ორი რაღაც გადაწყვეტს ივანიშვილის ძალაუფლების ბედს – სანაია

როგორც 9 აპრილი იყო ერის ისტორიული არჩევანი, ისე 20 ივნისიც ცხადყოფს ერის ისტორიულ არჩევანს – დიღმელაშვილი

ივანიშვილის რეჟიმის გარღვევა შესაძლებელია ერთადერთი გზით: შიგნიდან წნეხი აქციებით, გარედან პრესი სანქციებით – გვარამია

15 წელი სჭირდება ევროკავშირში გაწევრიანებას, შესაბამისად, საჩქარო არაფერია – კობახიძე