ისრაელის თავდაცვითი ძალების ინფორმაციით, ისრაელის ტერიტორიაზე ღაზას სექტორიდან დღეს, დილის 6 საათიდან 180 რაკეტა და საარტილერიო ჭურვი ისროლეს. მეთივე ცნობით, დასახლებული პუნქტებისკენ მიმართული ათობით ჭურვი თავდაცვითი სისტემების მეშვეობით გაანეიტრალეს.
კიდევ 40 ჭურვი ისროლეს ღაზას სექტორიდან ისრაელისკენ, თუმცა მათ საზღარი ვერ გადაკვეთეს და ანკლავის შიგნით ჩამოცვივდნენ. ისრაელის თავდაცვითი ძალების მონაცემებით, დაახლოებით 1 300 რაკეტა და საარტილერიო ჭურვი ისროლეს ისრაელისკენ ორშაბათ საღამოდან, როცა ვითარების გამწვავება დაიწყო.
მას შემდეგ, რაც სამშაბათს ღამით ჰამასმა ქალაქებს, თელ-ავივსა და ბერ-შევას ცეცხლი გაუხსნა, ისრაელის მხარემ საპასუხოდ, ოთხშაბათს, გამთენიისას ღაზას მიმართულებით ასობით რაკეტა გაუშვა. ისრაელის მხრიდან შეტევას ღაზაში დაღუპულები, მძიმედ დაშავებულები და დანგრეული შენობები მოჰყვა.
ღაზას მიერ გაშვებული რაკეტების შედეგად ქალაქ ლოდში, სადაც ებრაულ-არაბული მოსახლეობა ცხოვრობს, ორი ადამიანი გარდაიცვალა.
ისრაელის თავდაცვის სამინისტროს განცხადებით, მათმა საბრძოლო თვითმფრინავებმა ჰამასის დაზვერვის ძირითადი ფიგურები, ჰამასის სამხედრო დაზვერვის უსაფრთხოების დეპარტამენტის ლიდერი, ჰასამ კაოგი და მისი მოადგილე ვაილ ისა მოკლა.
ისრაელსა და ღაზას შორის, 2014 წლის ღაზას ომის შემდეგ ეს არის ყველაზე მძიმე შეტაკება და შსაძლოა, სიტუაცია კონტროლიდან გამოვიდეს.
ისრაელსა და პალესტინაში არსებულ ტეროტრისტულ დაჯგუფება ჰამას შორის დძაბულობა ორშაბათს მას შემდეგ დაიწყო, რაც ჰამასმა ისრაელზე სარაკეტო შეტევა განახორციელა. სიტუაცია მას შემდეგ მწავვე და დაძაბულია, ორივე მხარეს ჰყავს გადარცვლილები და მძიმედ დაშავებულები. ამ დროის ინფორმაციით, ორ მხარეს შორის დაპირისპირება გრძელდება.