დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის მოადგილე პაატა იმნაძე აცხადებს, რომ ვაქცინაცია პოლიკლინიკურ ქსელში გაფართოვდება.
როგორც იმნაძე ჟურნალისტებთან საუბრისას აღნიშნა, სინოფარმი უსაფრთხო და ეფექტური ვაქცინაა.
“იგეგმება ადგილების დამატება. რაც შეეხება სინოფარმს, ეს არის ძალიან გამოცდილი ვაქცინა, რომელმაც უკვე დაამტკიცა თავისი უსაფრთხოება, ეფექტურობა. დიდი იმედი მაქვს, რომ ჩვენთანაც წარმატებით გაგრძელდება ვაქცინაციის პროცესი”, – განაცხადა იმნაძემ.
შეგახსენებთ, რომ საქართველოში სინოფარმით იმუნიზაციის პროცესი გუშინ, 4 მაისს დაიწყო.