რიონის ხეობის აქტივისტებმა ადგილი შეიცვალეს მათი თქმით, ეს გადაწყვეტილება პროვოკაციის თავიდან არიდების მიზნით მიიღეს, რადგან ცოტახნის წინ გავრცელდა ინფორმაცია, რომ ნამოხვანში პრორუსული, ქსენოფობიური და ძალადობრივი პოლიტიკური პარტიის, ქართული მარშისა და დომინიკ მანგო ჩადიან.
“ჩვენ ამ პროცესთან არანაირი კავშირი არა გვაქვს. თუკი აქ ერთმანეთთან დაპირისპირებული ჯგუფები მოვლენ და დაუპირისპირდებიან ერთმანეთს ან პოლიციას, ჩვენ ვინც აქ ვდგავართ მშვიდობიანი პროტესტის მონაწილეები, გადავინაცვლებთ ქვემოთ ნაწილში”, – თქვა ვარლამ გოლეთიანმა.
ნამოხვანჰესისი მოწინააღმდეგე ერთერთი აქტივისტი ამბობს, რომ ნებისმიერ ჯგუფს შეუძლია შეუერთდნენ მათ, მაგრამ მშვიდობიან წესებს უნდა დაემორჩილონ.
ნამახვაჰესის მშენებლობას როგორც გარემოსდამცველები, ასე ადგილობრივი მცხოვრებლები ეწინააღმდეგებიან.
ნამახვანის ჰესების კასკადის მშენებლობის წინააღმდეგ, სოფელ ნამოხვანში 168 დღე კარვები იყო გაშლილი.
წყალტუბოს მუნიციპალიტეტის სოფელ ნამოხვანში ჰესის მშენებლობის მოსამზადებელი სამუშაოები 3 აპრილს, ხეობაში მშენებელი კომპანია ენკა რინიუებლზის დირექტორის, მერაბ ლომინაძის ჩასვლის შემდეგ განახლდა.