საერთაშორისო რესპუბლიკური ინსტიტუტის მიერ ჩატარებული კვლევის მიხედვით, კითხვაზე, უჭერთ თუ არა მხარს საქართველოს გაწევრიანებას ნატო-ში, გამოკითხულთა 78% მხარს უჭერს, ხოლო 15% არა.
59% სრულად უჭერს მხარს ნატო-ში გაწევრიანებას, 19 კი, მეტ-ნაკლებად.
ნატო-ში გაწევრიანებას კატეგორიულად ეწინააღმდეგება გამოკითხულთა 8%, ხოლო მეტ-ნაკლებად – 6%.
კითხვაზე პასუხი არ აქვს/არ იცის 8%-მა.
ნატო-ში გაწევრიანებისთვის ქვეყნის მთავარ სარგებლად, გამოკითხულთა 23% უსაფრთხოებას, 20% თავდაცვას, 13% ეკონომიკის განმტკიცებას, 11% დაკარგული ტერიტორიების დაბრუნებას, 8% სტაბილურობას, 4% სამხედრო მხარდაჭერას, 3% უკეთეს მომავალს ასახელებს.
რაც შეეხება ევროკავშირში გაწევრიანებას, გამოკითხულთა 83% მხარს უჭერს, ხოლო 9% უარს აცხადებს.
კითხვაზე, თქვენი აზრით, როდის გახდება საქართველო ჩრდილოატლანტიკური ალიანსის წევრი, გამოკითხულთა 23% პასუხობს, რომ 2024 წლის შემდეგ, 53%-მა არ იცის/არ აქვს პასუხი, 12% კი პასუხობს, რომ არასდროს.