aviabiletebi
ახალი ამბები მთავარი საზოგადოება

გერმანიაშე მოღვაწე ექიმი: “ვაქცინაციის დასაწყისი არსად ისე მტკივნეული არ ყოფილა, როგორც საქართველოში”

aviabiletebi
ავიაბილეთები

გერმანიაში მოღვაწე ქართველი ექიმი ნინო ნაცვლაძე სოციალური ქსელის საშუალებით მეგი ბაქრაძის გარდაცვალების ფაქტს ეხმიანება.

ექიმი “ფეისბუქის” საკუთარ გვერდზე გავრცელებულ მიმართვაში, საქართველოში დაწყებულ ვაქცინაციაზეც ამახვილებს ყურადღებას და ამბობს, რომ ვაქცინაციის დასაწყისი არსად ისე მტკივნეული არ ყოფილა როგორც ჩვენს ქვეყანაში.

“ასე მგონია, რომ ვაქცინაციის დასაწყისი არსად ისე მტკივნეული არ ყოფილა, როგორც საქართველოში. ამას თავისი მიზეზები აქვს. მთავარი მიზეზი – ახალგაზრდა გოგონას სიკვდილია, რომელმაც გადაწონა ყველაფერი, დაადუმა და დაამუნჯა მთელი საქართველო. მართალია ექსპერტიზის დასკვნამდე არ უნდა აკეთებდე ადამიანი კომენტარს, მაგრამ მაპატიეთ, თუ გავკადნიერდები და „ფეისბუქის“ ჩემს გვერდზე ჩემსავე ეჭვს და მოსაზრებებს გამოვთქვამ.

ძალიან მიჭირს დავიჯერო, რომ დღესდღეობით ვაქცინით გამოწვეული ანაფილაქსიური რეაქციებიდან ერთადერთი, ფატალური, თერაპიის მიმართ მდგრადი ანაფილაქსია მაინცდამაინც საქართველოში დაფიქსირდა.

მიჭირს არა იმიტომ, რომ ანაფილაქსიური შოკით გარდაცვლილი არ გამიგია, არამედ იმიტომ, რომ საქართველოს სამედიცინო სისტემის გამართულობაზე და ექსტრემალურ სიტუაციაში მზადყოფნაზე ჩემეული შეხედულება მაქვს.

მეგის გარდაცვალების შემდეგ უპირველესი სატკივარი, ცხადია, უდროოდ წასული ახალგაზრდა სიცოცხლეა… და მერე მოდის კითხვა:

რა უნდა უთხრა საზოგადოებას, ანტივაქსერებს კი არა, იმ ადამიანებს, რომლებიც გაორებულია და სვამენ ადექვატურ კითხვებს?!

როგორ გინდა დააჯერო, რომ თვითონ არ გახდება მორიგი მსხვერპლი?!

როგორ უნდა აუხსნა კიდევ, რომ ვაქცინა ჯერჯერობით ერთადერთი გონივრული საშუალებაა, რომ თავი დავაღწიოთ ამ წყეულ ვირუსს?! როგორ გინდა ერთ დღეში გააქარწყლო ყველა ის მოსალოდნელი გვერდითი მოქმედების უვნებლობა, რომელზეც ბევრი მითქმა-მოთქმაა?! როგორ გინდა დღევანდელ საქართველოში , როცა მოქალაქეთა უმრავლესობა თითქმის დაუცველია, სხვისთვის თავგანწირვა და მოქალაქეობრივი პასუხისმგებლობა მოსთხოვო საზოგადოებას?!“, – წერს სოციალურ ქსელში ნინო ნაცვალაძე.

ასე მგონია, რომ ვაქცინაციის დასაწყისი არსად ისე მტკივნეული არ ყოფილა, როგორც საქართველოში. ამას თავისი მიზეზები აქვს….

Posted by Nino Natsvaladze on კვირა, 21 მარტი, 2021

 

იტვირთბა....