ახალი ამბები მთავარი პოლიტიკა საზოგადოება

“კურდღელი მელია ოთახში იყო ჩაკეტილი… ვნახეთ, როგორი ვაჟკაციც არის“ – გოგა ხაინდრავა

“ნიკა მელიას დაკავების გადაწყვეტილება არ იყო მარტივი, თუმცა ეს იყო ერთადერთი გადაწყვეტილება, რომელიც შეიძლება იმ ქვეყანაში განხორციელდეს, რომელსაც პრეტენზია აქვს ცივილიზებულ ქვეყანაზე, განვითარებულ ქვეყანაზე”, – ამის შესახებ რეჟისორმა გოგა ხაინდრავამ განაცხადა.

“მინდა მადლობა ვუთხრა ირაკლი ღარიბაშვილს, რადგან ის გამორჩეული ფიგურაა ქართულ პოლიტიკაში, მისი გზა ამაზე მეტყველებს და ეს არის კაცი, რომელსაც სწამს ღმერთი, უყვარს ქვეყანა, შეუძლია გადაწყვეტილებები მიიღოს.

როდესაც პასუხისმგებლობას იღებ საკუთარ თავზე, უნდა გქონდეს ამის უნარი და შნო. ყველას კარგად გვესმის, რომ ეს არ იყო მარტივი გადაწყეტილება, მაგრამ ეს იყო ერთადერთი გადაწყვეტილება, რომელიც შეიძლება იმ ქვეყანაშ განხორციელდეს რომელსაც პრეტენზია აქვს ცივილიზებულ ქვეყანაზე, განვითარებულ ქვეყანაზე, ჩვენ ასეთი ქვეყანა ვართ და ვიქნებით და ჭკუას ნურავინ ნუ გვასწავლის. ერთი დღეც არ გასულა, როდესაც „ნაციონალურ მოძრაობას“ არ განუცხადებია მასობრივი აქციზების შესახებ და დესტაბილიზაციის შესახებ, ეს იყო ბუდე დესტაბილიზაციის, ანარქიის მცდელობის, მაგრამ მათ ამის თავიც არ აქვთ. ეს კურდღელი მელია, ხომ დაინახა რომ პოლიცია მოვიდა, ხომ იძახის რომ ვაჟკაცია, ხომ მიხვდა, რომ აიყვანდნენ და შევიდოდნენ, გასულიყო გარეთ, ეთქვა ხალხო გაჩერდით. ვიდრე ხელი არ მოჰკიდეს ოთახში იყო ჩაკეტილი და რომ აიყვანეს მერე დაიწყო გაჩერდითო. ვნახეთ, როგორი ვაჟკაციც არის“, – განაცხადა გოგა ხაინდრავამ.

ცნობისთვის, სპეციალური დანიშნულების რაზმმა „ნაციონალური მოძრაობის“ თავმჯდომარე ნიკა მელია დააკავა. დაკავებისსპეცოპერაცია გამთენიისას დაიწყო. მელიას აყვანამდე სამართალდამცავებმა პარტიის ოფისში მყოფი მოქალაქეები და მათ შორის პარტიის ლიდერები გარეთ გამოიყვანეს.

სამართალდამცავებმა ნიკა მელია პარტიის ოფისში, საკუთარ კაბინეტში აიყვანეს. მანამდე კი აღნიშნულ ოთახში, ისე როგორც მთლიანად პარტიის ოფისში სამართალდამცავებმა ე.წ.წიწაკის სპრეი გაუშვეს.

შეგახსენებთ, გუშინ გავრცელდა ინფორმაცია, რომ შინაგან საქმეთა სამინისტრო ენმ-ის ოფისში შესვლასა და ნიკა მელაის დაკავებას 22 თებერვლის ღამეს გეგმავდა.

ავიაბილეთები იაფად
იტვირთბა....