თურქეთის პრემიერ-მინისტრმა აჰმედ დავუთოღლუმ მოუწოდა სომხეთს გაათავისუფლოს მიწები, რომელიც მას არ ეკუთვნის. ინფორმაციას აზერბაიჯანული მედია ავრცელებს.
„მთიან ყარაბაღში კონფლიქტის დასარეგულირებლად და რეგიონში მშვიდობის მისაღწევად საჭიროა ოკუპირებული აზერბაიჯანული მიწების სრული გათავისუფლება“ – აცხადებს დავუთოღლუ.
თურქეთის პრემიერ-მინისტრი ამბობს, რომ თურქეთი აზერბაიჯანის გვერდით იქნება, სანამ აზერბაიჯანის ტერიტორიული მთლიანობა არ აღდგება.
შეგახსენებთ, რომ სომხეთ-აზერბაიჯანს შორის ომი ყარაბაღის გამო 1994 წელს შეწყდა. მას შემდეგ ყარაბაღის გაყინული კონფლიქტია და რეგიონში დესტაბილიზაციის წყაროს წარმოადგენს.
