“იქვე დაჩოქილი დედა ვერ იჯერებდა, რომ შვილი ცოცხალი გადაურჩა” – რას ჰყვება მაშველი, რომელიც 10 წლის გოგონას გადარჩენის ოპერაციაში მონაწილეობდა

“მიშ­ვე­ლეთ, ვერ სუნ­თქავ­სო – სა­სო­წარ­კვე­თი­ლი კი­ო­და. ბავ­შვი ორ ბე­ტო­ნის ფი­ლას შო­რის იყო მო­ყო­ლი­ლი და უკვე სუნ­თქვა უჭირ­და,” – ასე იხსნებს “ამბები.გი”-სთან ინტერვიუში ზუგდიდის სა­ხან­ძრო-სა­მაშ­ვე­ლოს სამ­მარ­თვე­ლოს უფ­რო­სი, დი­მიტ­რი ბა­რა­მი­ა შენობის ჩამონგრევის მძიმე დეტალებს.

როგორც დიმიტრი ბარამია გამოცემასთან ამბობს, ადგილზე მისულებს გაფითრებული დედა დახვდათ, რომელიც მაშველებს იმ ადგილისკენ მიანიშნებდათ, სადაც 10 წლის ბავში ნანგრევებში იყო მოყოლილი.

“ორ­სარ­თუ­ლი­ა­ნი, მი­ტო­ვე­ბუ­ლი­ვით შე­ნო­ბაა, კა­პი­ტა­ლუ­რი, ადრე დევ­ნი­ლე­ბი ცხოვ­რო­ბენ. ამ ეტაპ­ზე მხო­ლოდ ეს დედა და შვი­ლი ყო­ფი­ლან. ინ­ფორ­მა­ცია შე­მო­ვი­და, შე­ნო­ბა ჩა­მო­ინ­გრა და ბავ­შვია მო­ყო­ლი­ლიო… ძა­ლი­ან სწრა­ფად მი­ვე­დით ად­გილ­ზე. ეს არის ე.წ. სა­კონ­სერ­ვოს ტე­რი­ტო­რი­ა­ზე არ­სე­ბუ­ლი შე­ნო­ბა. ად­გილ­ზე მი­სუ­ლებს ასე­თი სუ­რა­თი დაგ­ვხვდა – გა­ფით­რე­ბუ­ლი და შე­ში­ნე­ბუ­ლი დედა ად­გილს გვი­თი­თებ­და, სა­დაც ბავ­შვი იყო მო­ყო­ლი­ლი…

მიშ­ვე­ლეთ, ვერ სუნ­თქავ­სო – სა­სო­წარ­კვე­თი­ლი კი­ო­და. ბავ­შვი ორ ბე­ტო­ნის ფი­ლას შო­რის იყო მო­ყო­ლი­ლი და უკვე სუნ­თქვა უჭირ­და. ის ფი­ლე­ბი კე­დელ­ზე იყო მიბ­ჯე­ნი­ლი, თუმ­ცა მათ შო­რის მცი­რე­დი სივ­რცე იყო, სა­დაც ბავ­შვი იყო გა­ჭე­დი­ლი… ანუ ორი­ვე სარ­თუ­ლი ჩა­ინ­გრა და კედ­ლე­ბი მო­ი­ყო­ლა.

სა­ბედ­ნი­ე­როდ კონტაქტური იყო… თავი ქვი­ში­თა და ნან­გრე­ვე­ბის მტვრით ჰქონ­და და­ფა­რუ­ლი და ძლივს სუნ­თქავ­და. პირ­ველ რიგ­ში, სუნ­თქვის სა­შუ­ა­ლე­ბა მი­ვე­ცით და მერე თან­და­თან, სპე­ცი­ა­ლუ­რი ხელ­სა­წყო­ე­ბით გა­ვა­თა­ვი­სუფ­ლეთ ნან­გრე­ვე­ბის­გან.. შოკი ჰქონ­და. ჯერ ხმა ვერ ამო­ი­ღო, მერე ტი­რი­ლი და­ი­წყო. დე­და­მი­სი ეძახ­და, მა­რი­ამ, ხმა გა­მე­ციო… მერე თან­და­თან მო­ვი­და აზ­რზე. სას­წრა­ფო დახ­მა­რე­ბის ბრი­გა­დაც იქ იყო და შე­სა­ბა­მი­სი დახ­მა­რე­ბა აღ­მო­უ­ჩი­ნეს.

ბავ­შვს გა­რეგ­ნუ­ლი და­ზი­ა­ნე­ბე­ბი არ აღე­ნიშ­ნე­ბო­და. დე­და­მი­სიც ეკი­თხე­ბო­და, რამე ხომ არ გტკი­ვაო, მაგ­რამ უა­რობ­და… სახე და ტან­საც­მე­ლი ჰქონ­და მტვრით მოს­ვრი­ლი და შე­ში­ნე­ბუ­ლი იყო. ჩვენ მა­შინ­ვე სა­კა­ცე­ზე და­ვაწ­ვი­ნეთ. იქვე და­ჩო­ქი­ლი დედა ვერ იჯე­რებ­და, რომ შვი­ლი ცო­ცხა­ლი და უვ­ნე­ბე­ლი გა­და­ურ­ჩა.” – ჰყვება “ამბები გი”-სთან ზუგდიდის სა­ხან­ძრო-სა­მაშ­ვე­ლოს სამ­მარ­თვე­ლოს უფ­რო­სი.

შეგახსენებთ, გუშინ, ზუგდიდში, თამარ მეფის ქუჩაზე ორსართულიანი შენობა ჩამოინგრა, მაშველებმა ნანგრევებიდან 10 წლის ბავშვი გამოიყვანეს.

ამ დროისთვის შენობის ნანგრევებიდან ამოყვანილი ბავშვის ჯანმრთელობის მდგომარეობა სტაბილურია. ექიმების თქმით, ის თავს კარგად გრძნობს და ბინაზე დღეს გაეწერება.